Biñlernen insan ğamda. Keriç, kollecde elâk olğanlarnen vedalaştı (video)

Cuma künü, oktâbrniñ 19-nda, politehnik kollecinde kütleviy öldürüv qurbanlarınen vedalaşuv merasimi keçirilgen merkeziy meydanğa biñlernen insan keldi. Qırım.Aqiqat mühbiri bildire ki, Keriçliler tek meydanda degil, Lenin soqağında da bar edi. Bir çoq insan çeçek ketirdi. Keriç politehnik kollecinde öldürilgenlernen vedalaşuv merasimi vaqtında Keriçte yollar qapatıldı ve cemaat naqliyatınıñ yolları deñiştirildi. Şeerniñ Rusiye memuriyeti bildirdi ki, facia neticesinde 21 insan elâk oldı. Ücümniñ bir qaç qurbanı Qırımnıñ diger şeerleri ve qomşu Rusiyede defin etecekler.