6 biñden ziyade qırımlı ve aqyarlı Ukraina prezidenti saylavlarınıñ ekinci turında rey berüv yerini deñiştirdi. Ukraina saylayıcıları devlet siciliniñ malümatına köre, aprelniñ 17-ne qadar 4884 qırımlı ve 1141 aqyarlı esas Ukrainada saylavlarda rey bermege niyetlene. Umumen – 6025 insan.
Eñ çoq qırımlı ve aqyarlı Kyivde (1645 ve 330) Kyivde rey berecek ola. Herson vilâyetinde 472 qırımlı ve 66 aqyarlı ğayrıdan qayd oldı.
Qırım Muhtar Cumhuriyeti ve Aqyarda qayd olğan 5528 Ukraina vatandaşı birinci tur vaqtında rey berüv yerini deñiştirgen edi.
Ukraina prezidenti saylavlarınıñ ekinci turı aprelniñ 21-nde olacaq. Qırımlılar esas Ukrainada rey bere bile.
Your browser doesn’t support HTML5
Zelenskıy ya da Poroşenko: qırımlılar kimni begene? (video)
Ukraina prezidenti saylavlarınıñ birinci tur neticelerine köre, saylayıcılarnıñ 30,24%-ı Volodımır Zelenskıyge rey berdi, 15,95%-ı şimdiki devlet yolbaşçısı Petro Poroşenkoğa. Ekinci tur aprelniñ 21-nde olacaqtır.