Ukrayina prezidenti Volodımır Zelenskıy rus darbeleriniñ aqibetleri ve restavrasiya işleri aqqında toplaşuv keçirilecegini ilân etti.
Zelenskıy, Belogorodkada rus dronu mesken binasğa urulğanda eki adam elâk olğanı Kıyiv vilâyetinde istimalcılarnıñ "elektrik energiyasından kesilmesi" devam etkeni aqqında hatırlattı.
"Biz Harkiv, Sumı ve Çerniğivdeki vaziyetni ayrı muzakere ettik. Zaporojjâda rus PSZO-nıñ şeerge yapqan ücüminden soñ iş devam ete. Bu ücüm mesken evge uruldı, yaqın yerde arbiy nişanlar yoq edi. Biz bu ve böyle diger ücümler içün Rusiyege adaletli cevap berecekmiz", — dedi Zelenskıy.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.