«1944 senesi siyasetiniñ devamıdır». Bir qorantadan üç kişiniñ aynı künde apiske alınması

Rusiye FSBsiniñ hadimleri bir qorantanıñ üç azasını bir künde apiske aldı. 2020 senesi martnıñ 11-nde Qırımda keçirilgen tintüvler neticesinde Bağçasaraydaki üçünci «Hizb ut-Tahrir davası» peyda oldı. Beş mabüs bar, üçü Rusiye SİZOsında tutula ve bir-birine soy ola. Osman ve Seytumer Seytumerov doğmuş ağa-qardaş ola, olarnı soyları olğan Rustem Seytmemetovnen bir künde tutıp alğanlar. «Rustemge tintüv keçirmege kelgenlerinde şaştı. Aqlanmağa tırıştı. Amma vesiqa kösterilgende ve anda torunlarınıñ soyadlarını körgende sizge ne kerek dep soradı? Tintüv yapacaqsıñızmı? Yapıñız. O, bu qorantadan böyle vaziyetke oğrağan bir kişi olmağanını añladı», – dep tarif etti Seytumerovlarnıñ babası.