Qırımda daa doquz adam koronavirusnen hastalandı, bildirdi aprelniñ 28-inde Qırımnıñ rusiyeli başı Sergey Aksönov.
"Bular Yaltada yedi adam - endi belli aile merkezi, bir adam Aluşta, pnevmoniyanen hastahanege tüşti ve daa bir adise - Aqmescit - Cumhuriyet bala klinik hastahanesiniñ hadimi", - dedi Aksönov.
"Başqa bir adise - Novoozörnoye qasabasında. Hasta aprelniñ 21-inde Qırımğa Yaroslav vilâyetinden uçaqnen keldi. O Kezlev statsionarına qoyuldı ve dört adam - qadını ile balaları - şimdi observatorda buluna. Amma bu adiseni Yaroslav vilâyetine qoştılar, çünki analizi anda yapıldı", - dedi Krutikov.
Your browser doesn’t support HTML5
Крым закрыли для туристов | Крым.Реалии ТВ (видео)
Böylece, şimdilik Qırımda 79 koronavirus adisesi tasdıqlandı. Olardan 20-si çetelden ketirildi, 10-u Rusiyeden ketirildi, 49 adise - yerli adiselerdir. Aqyarda umumen 36 COVID-19 hastası bar.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.