Qırımtatar faali Leylâ Yaşlavskayanı polis bölüginde beş saat tutqan soñ yiberdiler. Bunı Qırım.Aqiqat mühbiri haber etti.
Yaşlavskaya, Aqmescitteki Yuqarı mahkemesiniñ binasına Nariman Celâlnıñ davasına diñleyici olaraq kelgenini ve polis hadimi Sergey Minayev tarafından yaqalanğanını ayttı.
«Nariman Celâlnıñ davası boyunca mahkeme oturışı qapalı olğanı içün çıqarılacaq qararnı tışarıda diñlemege istedik. Mahkeme binası qarşısında turmağa yasaq ettiler, biz bir şey aytmayıp çekildik. Soñra polis hadimi keldi ve qırımtatarlarnıñ pasportlarını sorap başladı. Menim yanıma kelgen, vesiqalarımnı nege esaslanıp talap etkenini soradım. O, polis aqqında qanunğa atfı etti», – aytıp berdi Yaşlavskaya.
Leylâ Yaşlavskaya (ortada)
Leylanıñ qayd etkenine köre, onıñ pasportı bar edi, amma o polis hadimi sebeplerni bildirgenini beklegen.
Protokol tizilmegen, advokatnı yibermegenler. Faal polis hadimine şikâyet etecekmi sualine tam cevap bermedi.
«Advokatım ile aqıl tanışırmız ve qarar etermiz», – dedi Yaşlavskaya.
Aqmescitte, qırımtatar faali ve siyasetçi Nariman Celâlnıñ davası boyunca mahkeme oturışı başlamazdan evel, Rusiye polisiniñ hadimleri kelgen insanlarnı mahkeme binasına yibermeyip, olarnıñ pasport malümatını yazıp alalar. Aynı zamanda, polis hadimleri mahkeme binası yanında faal Leylâ Yaşlavskayanıtuttılar. Belrilge malümatqa köre, o, Aqmescitteki Kiyev rayon polisiniñ bölüginde tutula.
Your browser doesn’t support HTML5
В Симферополе полиция задержала слушательницу по делу Наримана Джеляла
Biraz soñra, mahkeme outrışı qapalı şekilde keçirilecegi ilân etildi.
Oktâbrniñ 1-nde Rusiyeniñ nezaretinde olğan Qırım Yuqarı mahkemesi qırımtatar faali ve siyasetçi Nariman Celâlnıñ apiske alınmasına qarşı berilgen istinaf şikâyetini baqıp, tevqif müddetini bir künge qısqarttı. Böylece, faal SİZO-da noyabrniñ 3-nece bulunacaq.