Yanvarniñ 4-nde işğal etilgen Qırımdaki Belbek uçaq alanında patlav sesleri eşitilgen - ava mudafaası sisteması işlegen. Bunı Aqyarnıñ işğal valisi Mihail Razvojayev haber etti.
Onıñ sözlerine köre, ava mudafaası sisteması eki pilotsız uçqan cihaznı urıp tüşürgen.
Açıq menbalarğa köre, Belbek uçaq alanında Rusik Arbiy ava quvetleriniñ 38-cı aviatsiya polku yerleştirilgen.
Bazarertesi künü, yanvarniñ 2-nde, Aqyarnıñ Rusiye akimiyeti uçucısızlarnıñ ücümi aqqında bildirdi. Aqmescitte ve Aqmescit rayonında patlavlar eşitildi.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.