Bağçasaray rayonında suv basqan yerlerden 160 insan tahliye etildi, olarnıñ arasında 31 bala. Bunı iyülniñ 5-nde Qırım boyunca Rusiye FVN-niñ matbuat hızmeti haber etti.
Qurtarıcılarnıñ bildirgenine köre, tahliye etilgenler içün 12 vaqtınca yerleşüv noqtası azırlanğan.
«Hususiy evlerden, mesken çoq qatlı evlerniñ mağan hanelerinden pompalap suv çekile, Belbek özeniniñ yatağı terek, taş, qumdan temizlene dep», – yazıla bildirmede.
Aynı zamanda nazirlikte haber etkenlerine köre, yaşayış içün müim olğan obyektler, energetika obktleri, mesken-kommunal hocalığı toqtamazdan çalışa.
Evel, Bağçasaray rayonında bir künde eki aylıq yağanaqlarnıñ tüşmesi aqqında haber etilgen edi.
Qırım Gidrometeorologik merekeziniñ malümatına köre, Belbek özeninde suv seviyesi 2 metr 40 santimetr artqan.
Keçenlerde Bağçasaray rayonında Fevqulâde vaziyet ilân etildi.
Sinoptiklerniñ tahminlerine köre, iyülniñ 5-nde yarımadanıñ ğarbiy, cenübiy, şarqiy ve merkeziy bölgelerinde şiddetli sağanaqlar beklenile.