Noyabrniñ 16-na keçer gecesi Rusiyeniñ Rostov vilâyeti ve Krasnodar ülkesi uçucısızlarnıñ kütleviy ücümine oğradılar.
Rostov vilâyetinde Azaqqa qarşı ücümden soñ üç kişi hastahanege alındı, dep bildirdi vali Yuriy Slüsar. Şeerde "dört istisal müessisesi" yanıp başladı, anda fevqulâde vaziyetler rejimi kirsetildi.
ASTRA Telegram kanalı şaatlarnıñ videosına esaslanıp yazğanına köre, yanğınlar eki cermay bazası rayonında başladı: "Fleş Enerci" ve "Yug-İmpeks". Ukrayinanıñ Exilienova+ Telegram kanalı da cermay obyektlerine qarşı darbeni tasdıqladı.
Rusiye Mudafaa nazirligi gece urıp tüşürilgen 1336 Ukrayina uçucısızı aqqında bildirdi. Kuban ve Rostov vilâyetinden ğayrı, dronlar Azaq ve Qara deñizlerine ücüm etti. İşğal etilgen Qırımnıñ Rusiye yolbaşçısı Sergey Aksenok Keriç köprüne qarşı ücüm aqqında bildirdi.
Ukrayina Mudafaa nazirligi bu malümatnı izaatlamadı. Qırım.Aqiqat cenk vaziyetinde bu malümatnı teşkerip olamay.