İnsan aqları Avropa mahkemesinde Rusiye tarafından işğal etilgen Qırımdaki bozuvlar aqqında 1100 dava bulunmaqta. Belli insanlarğa qarşı şahsiy davalar aqqında söz yürsetile, dep bildirdi "Qırım platforması" ekspert ağınıñ IV halqara forumı vaqtında "Suspilne Qırım"ğa Avropa insan aqları mahkemesiniñ vekâletlisi Margarita Sokorenko.
"Şahsiy davalar aqqında aytqanda, olar belli bir insannı, belli bir hususiyetni közde tuta. Statistikağa kelgende ise, Qırım mevzusunda Ukrayinanıñ eki devletlerara davası aqqında söz yürsetile. Olar 2014 senesinden başlap olğan devirni qaplap alalar. Şahsiy davalar er kün baqıla, yani olarnıñ sayısı bayağı çoq", — dep yaza Sokratenko.
O şunı da hatırlattı ki, 2014 senesi Qırımnıñ işğalineden soñ Ukrayina Adliye nazirligi Qırımda insan aqlarınıñ muntazam bozuluvı sebebinden Avropa insan aqları mahkemesine devletlerara davasını berdi.
"Endi eki ararımız bar. Birinci 2021 senesinden. Bu basamaqta Rusiye Qırımnı küç qullanıp zapt etti ve onı nezaret ete, dep isbatladıq. 2014 senesi kiçik aydan berli Rusiye Qırım territoriyasını qanunsız şekilde nezaret etkenini ve o vaqıttan berli insan aqlarını bozğanını isbatladıq. Bu, Avropa mahkemesiniñ müim qararı ve hulâsaları içün ara, amma pek müim bir basamaq edi. Ekinci qarar ise endi 2024 senesi ilk yaz ayında qabul etilgen edi. Mında Avropa mahkemesi insan aqlarınıñ bozuluvı siyaseti ve bu bozuluvlarnıñ sistematik misalleri bar olğanını belgiledi", — dedi Sokratenko.