İyülniñ 15-nde «Avdet» qırımtatar gazetasınıñ ilk sanı çıqqanına 30 yıl tola. Qırımtatar Milliy Meclisiniñ reisi Refat Çubarov gazeta muarririyetini ve oquyıcılarını tebrikledi.
«Qırımtatar Mıllıy Hareketi basın organı Avdet gazetesinin ilk sayısı çıkmıştı. Gazetenin organizatörlerini, Avdet'in gazetecilerini ve en önemlisi okuyucuları hayırlayım!», – dep yazdı Çubarov Facebookta.
«Avdet» – 1990 senesi iyünniñ 15-nden berli eki tilde (qırımtatarca ve rusça) çıqqan zemaneviy içtimaiy-siyasiy-medeniy gazetadır. Qırımtatarlarnıñ Orta Asiyağa sürgün etilgeninden berli çıqqan ilk mustaqil neşirdir.
Gazetanı Qırımtatar milliy areketi teşkilâtı meydanğa ketirdi, adını qırımtatarlarnıñ lideri Mustafa Cemilev sayladı.
Qırım işğalinden soñ gazeta Rusiyede kütleviy haber vastası olaraq qayd olamadı. Rusiye qanunlarına köre, cemi 1000 nushadan az olğan gazetalar qayd olmayıp neşir etile bile, şunıñ içün gazeta nushası 999-ğa eskiltildi ve kiosklarda satılmay. Gazeta sıñırcı abunecilerge tarqatıla, daa çoq saytqa emiyet berile. Aqmescitteki «Qırım Fondu» binası tutıp alınğanı içün muarririyetniñ yeri qalmadı.
Gazeta qırımtatarlarnıñ kimligi ve mefküresini ve halq içün aktual olğan diger meselelerni saqlap qalmaq esas maqsadı dep ilân etti. Neşir qırımtatar devletçiligini ğayrıdan tiklev problemlerini baqa, tarihiy-halqşınaslıq meselelerine diqqat ayıra.