Rusiye Federatsiyası tarafından işğal etilgen Aqmescitte demir yol vokzalı yanında Qara deñiz flotunıñ arbiy anbarları buluna. Bu aqta "AteşW partizan areketi bildire.
Areketniñ malümatına köre, Qara deñiz flotunıñ 758-inci maddiy-tehnikiy teminlevi merkeziniñ obyekti aqqında söz yürsetile. Qayd etilgenine köre, bu Qırımdaki Qara deñiz flotunıñ esas logistika noqtasıdır. Ondan arbiy-deñiz logistikanıñ büyük qısmı keçe: yanacaq, yedek parçaları ve gemiler ve yalı bölükleri içün tehnikiy mal-mülk.
"Közetüv esnasında anbarlarnıñ ve tehnika saqlav meydançıqlarınıñ yeri, yük naqliyatınıñ kiriş-çıqış marşrutları qayd etildi. Obyektniñ faaliyet vaqtı ve nevbetler cedveli belgilendi. Toplanğan bütün malümat Ukraina mudafaa quvetlerine berildi", — dep aytıla haberde.
Koordinatlarğa köre, anbarlar Zaporijjâ, Mermer ve Moskalev soqaqları ile sıñırlanğan rayonda, demiryol yollarınıñ yanında yerleşe.
Hatırlatamız, Quralaynıñ 28-nde ilhaq etilgen Qırımnıñ Anğara qasabasında Qara deñiz flotunıñ 126-ncı brigadası ücümge oğray bilgen edi.