Asan Qırım.Aqiqatqa bergen intervyüsında şaatı olğan 2014 senesiniñ Qırım işğali aqqında tarif etti. Ukrayına yarımadasınıñ qamaçavı, Azovnen nasıl tanıştı ve yahşı vatanperver milletçi olmalı dep añlağanını ikâye etti. Azovstal ve bir qaç yüz yaralanğan kişi tek eki ameliyat masası olğanını ayta, bazı künleri yaralanğanlarnıñ sayısı 600-ge qadar çıqa edi. Asan iyülniñ 29-na keçer gecesi Donetsk civarındaki Olenivka koloniyası patlatılğan soñ sağ qalğan 76 adamdan biri ola. Asan tiri-tiri yanğan arqadaşlarınıñ seslerini soñuna qadar eşitti. Deñişüv olacağına inanmay ve «çeşit-türlü şeyler tüşünip başlağan edi», dep hatırlay Asan.
Qırımlı azovlı: Qırım işğali ve qamaçavı, Mariupol, «Azovstal», Olenivkadaki koloniya aqqında (video)
Your browser doesn’t support HTML5
Büyük cenkniñ ilk künleri Mariupolde Rusiye quvetleri Qırım tarafından pek ücüm etkenini bilmey ediler, dep ayta Asan İsenaciyev. 2022 senesi fevralniñ 24-nde o, «Azov» polkunıñ tibbiy rota erkânında edi.