Qırımtatar asıllı ukrain yırcısı Camala, Looks of Jamala aktsiyasınıñ çerçivesinde qazanılğan aqçalarnı Ukraina ekimlerine mahsus iş urbasını almaq içün berdi.
Yırcı satın alınğan mahsus urba suretini İnstagramğa qoydı.
"Bir qaç aqşam anteri böyledir - şimdi bu ekimler içün 150-den ziyade qoruyıcı kiyim! Bahtlım! Bizge qoşulğanlar, sag oluñız!" - yazdı Camala.
Daa evel yırcı bazı urbalarını satıp, aqçanı ekimlerge yardım etmek içün bermege qarar aldı.
Daa Camala qırımlılar içün video hitapnı yazıp qoydı, onda olarğa karantin qaidelerine uymağa ve evlerinde qalmağa rica etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.