Qopuşqan sıva, köçken boya, çatlaq divarlar, qara küf mantarları ve pencere yerine - fanera. Qırımnıñ on biñlik Şçölkino şeeriniñ sıfatı şimdi böyledir.
“Men Şçölkinoda 30 yıl yaşayım ve anda tamirlevni iç körmedim… Çoqtan berli bir şey boyalanmadı, terbiye çekilmedi”, - dey şeerli qadın.
Your browser doesn’t support HTML5
Ужасы крымской медицины (видео)
“Ekim, feldşer ve emşirelerge öz minnetdarlığımnı bildirmege isteyim, isiñiz pek qıyın em de pek emiyetlidir… Er kes içün eñ müim vazife - tibbiy yardımnıñ alına bilmesidir. Bu saada biz eñ öksek dünya standartlarına esaslanmaq kerekmiz”, - dedi Rusiye prezidenti Vladimir Putin 2018 senesi martnıñ 1-inde.
Dörtünci inauguratsiyadan son bu prezidentniñ ilk çıqışlarından birisi edi. Rusiye başı, eali artıq keççe ölecegini ayttı: 73 yaşında degil de, seksende, buña ise tibbiy islâat yardım eter.
“Bugün biz özümizge maqsat qoymalımız - kelecek on yıllıqnıñ soñuna Rusiye 80+ devletlerniñ sırasına kirmeli”, - dedi Putin.
Arzudan kerçekke
2018 senesi Qırımda tibbiyetke 17,5 milliard ruble masraf etildi, amma bir yıl keçken soñ bile, Putin islâatı Şçölkinoğa barıp çıqamadı. Yerliler, hastahane viraneleri eñ büyük mesele degil, müessisede mütehassıs ve tibbiy alet ve donatmalar yetişmey, dep ayta.
Городская больница в Щелкино
“Esası - mütehassıslar yetişmey. Misal içün, kardiolog. Teñ ekimi. Amma esası - kardiolog, bu pek kerekli mütehassıs. Terapevtimiz bar”, - dey şeer sakinleri.
Qırımlılar şikâyet ete: ekim qabul etsin dep, eñ azından 20 kilometr keçip, rayon merkezi Yedi Quyuğa (Lenino), ya da 60 kilometr - Kefege, ya da 90 kilometr - Keriçki, ya da Aqmescitniñ özüne - bu 200 kilometr - barmaq kerek
В бюджет на 2019 год на медицину Крыма заложено на четверть меньше денег, чем в прошлом году
“Bizde bütün Yedi Quyu rayonına bir qulaq-burun-boğaz ekimi bar, oña kirmek pek qıyın, çünki adam çoq, o ise tek episini qabul etip olamay, onıñ içün biz ücretli ekimge baramız, ya da Aqmescitke”, - dey Şçölkino sakini.
Yakâne misal degil
Qırımlılar başqa bölgelerde de yahşılaşuvnı körmedi. Olar içtimaiy ağlarda yarımadanıñ hastahaneleriniñ süretlerinen paylaşa. Olarnıñ arasında - Saq loqsahanesi, Aqyar cerrahlıq bölügi, Kezlev şeer hastahanesi. Amma Qırım televizion ekranlarında bu hastahanelerni köstermeyler, tek yahşılıqlar aqqında aytalar.
СакироддомЭто папередник,Абама виноват pic.twitter.com/HF0n1w2PIW
— RoksolanaToday&Крым (@KrimRt) 5 января 2019 г.
“Şimdi - yahşı haberler! Tibbiyet - devletimizniñ esas vazifelerinden birisi. Tibbiy hızmetlerniñ keyfiyetini kötermek içün, bu saağa masraflar arttırıla. Qırım tibbiyetiniñ yañı devri başlana - zemaneviy donatuv ve yañı tehnologiyalar”, - deyler televizordan jurnalistler.
2019 senesinde Şçölkino hastahanesini tamir eterler. Eñ azından Sağlıq nazirliginiñ hadimi resmiy mektüpte böyle söz berdi. Amma yerliler bu vadelerge artıq inanmay. Qırım budjetinden ise bu yılı, keçken yılğa köre, tibbiyetke daa az aqça ayırıldı.
ЕвпаторияГор.больницауютненькоЧего вы все ноете? pic.twitter.com/oxixVjMi3J
— RoksolanaToday&Крым (@KrimRt) 2 августа 2018 г.