Qayd etilgenine köre, Aqyarnıñ Gagarin rayonındaki plâjlardan birinde erkek "Ukrayina milletçileri teşkilâtınıñ (OUN) şiarlarını qıçırıp başladı". Rusiye politsiyası, erkekniñ "Şan olsun Ukrayinağa, şan olsun qaramanlarğa" sözlerini aytqan videosını da derc etti.
Rusiye quvetçileri onı tutıp aldı ve RF Memuriy cinayetler kodeksiniñ 20.3 maddesiniñ 1-inci qısmına köre protokol tizdiler.
Rusiye mahkemesi onı qabaatlı tanıp, 12 künge apiske aldı. Apiske alınğan şahısnıñ ya da onıñ imayesiniñ açıq izaatları şimdilik yoq.
Daa evel ilhaq etilgen Aqyarda Rusiye mahkemesi "ekstremizmge çağıruvlar" içün bir adamnı eki buçuq yıl koloniyada qalmasına üküm etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.