Aqyarnıñ Rusiye başı Mihail Razvojayev şeerde mecburiy maska rejiminiñ lâğu etilmesini ilân etti. Bunıñ aqqında o, Telegramda yazdı.
"İyünniñ 6-ndan vatandaşlarnıñ ticeret obyektlerinde, cemaat naqliyatında maska taqmaq mecburiyeti lâğu etile. Bu madde artıq tevsiye hasiyetini taşıycaq", - dep yahdı Razvojayev.
Bundan ğayrı iyünniñ 6-ndan uquqiy şahıslar müşterilerge maskasız hızmet kösterip olacaqlar.
Qırımda maska taqmaq rejimi daa lâğu etilmedi.
Evel Qırımnıñ Rusiye başlıqları ticaret merkezlerini ziyaret eterken QR-kod köstermek talabını lâğu ettiler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.