Aqyarda bir qaç daqqa devamında Ava mudafaası sistaması raketalarınıñ uçurtılmasına beñzegen küçlü sesler eşitildi. Bunı Qırım.Aqiqat mühbiri haber etti.
Er bir ses bir qaç daqqa devam etti ve yavaş-yavaş tındı.
Aqyarnıñ işğal yolbaşçısı Mihail Razvojayev bu "Ava ücüminden mudafaa talimleri" olğanını bildirdi.
"Atış temrinleri planı da bar. Şeerde tınç. Eger küçlü sesler eşitseñiz, qasevetlenmeñiz". - dedi o.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.