Uydular mayısnıñ 15-nde Belbek Rusiye ava bazası rayonında yanğın çıqtı, dep bildire. Çekimler NASA yanğınlar monitoringiniñ saytında derc etildi.
Tahminlerge köre, yanğın aerodromnıñ cenübiy qısmında çıqtı. Sebebi raketa darbesi edimi belli degil.
Belbek ava bazasında olğan yanğınnı tasdıqlağan çekim – 2024 senesi mayısnıñ 15-I
Qırım.Aqiqat malümatına köre, uçaq alanında Rusiye Arbiy ava quvetleriniñ 38-inci qırıcı aviatsiya polku, Rusiye Fevqulâde vaziyetler nazirliginiñ Aqyar aviatsiya-qurtaruv merkezi, 12 Su-27 uçağı, 12 Su-27SM uçağı, USB Su-27UB ve 5 eki yerli Su-30M2 yerleşe.
Qırım.Aqiqat mühbiri Aqyarda eki dalğa şeklinde yapılğan darbe aqqında bildirgen edi. Ekinci dalğadan soñ bir qaç patlav eşitildi. Rusiye Mudafaa nazirligi Qırımda 10 ATACMS raketası urıp tüşürildi, dep bildirdi. Zararlar aqqında haber etilmey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.