Aqyarda gece ballistik telüke sebebinden ava telükesi ilân etilgen eken. Bu malümat şeerniñ Rusiye yolbaşçısı Mihail Razvojayevniñ Telegram kanalında peyda oldı.
Telüke haberi saba 4:15-te oldı, 4:18-de ise Razvojayev lâğu etilgenini bildirdi. Şeerde patlav ya da ava mudafaasınıñ işi aqqında haber etilmedi.
Aynı vaqıtta Rusiye Telegram kanalları deñiz dronlarınıñ Novorossiysk şeerine qarşı ücümi aqqında bildirdi. Şeerde atış ve patlav sesleri eşitildi, Novorossiysk şeer yolbaşçısı Andrey Kravçenko gece Telegrammında yerli sakinlerden yalı boyu yanındaki pencerelerge yaqınlaşmamağa ve deñizge yaqın açıq yerde bulunmamağa rica etti.
Şimdilik ücüm neticeleri aqqında malümat yoq. Rusiyeniñ Mudafaa nazirligi vaziyetni izaatlamadı, Ukrayina askerleri de bu ücüm aqqında daa bir şey bildirmedi.
Rusiye ve Ukrayina dronlar yardımınen er kün biri-birine ücüm eteler. İyün ayında Ukraina Mudafaa Nazirliginiñ Baş istihbarat idaresiniñ vekili Andriy Yusov Rusiye büyük gemilerni ve «Kalibr» taşıyıcılarını gizlegenini, amma «av toqtamamaq kerek» dep bildirdi. Rusiye gemileriniñ ekseriyetini Aqyardan Novorossiysk şeerindeki Rusiye Qara deñiz flotu bazasına çekti.
Aprel ayında Ukrayina arbiy deñiz quvetleri büyük cenk başlanğanından berli Rusiyeniñ Qara deñiz flotu Ukraina ücümleri vaqtında Rusiye gemileri yoq etilgeni sebebinden gemileriniñ üçte birine yaqınını coydı, dep haber etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.