Aqyarda dekabrniñ 26 sabası itibarınen 83 yañı COVID-19 hastası qayd etildi, 65 yaştan 88 yaşqa qadar beş hasta öldi. Bu aqta şeerniñ Rusiye ükümeti zaber etti.
“Hastalar – 3 yaştan 83 yaşqa qadar insanlar”, – dep yazıla haberde.
96 adam tüzelgen soñ hastahaneden çıqarılğan.
“Uumumen yılnıñ başından Aqyarda 6343 insan yañı koronavirus yuqunçına oğrağan. 5944 insan tedaviylengen, 220 ölgen. 165 hasta statsionarlarda, yengil hastalar içün bölükte 170 kişi yata”, - dep qayde tiller Aqyarnıñ Rusiye ükümetinde.
Hastalarnen alâğada olğan 619 kişi közetile.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.