Aqyarda iyün 14-ünde Nahimov meydanında Rusiye Kününe ve Aqyarnıñ 236 yıllığınabağışlanğan kontsert keçirilecek.
Aqyarnıñ rusiyeli ükümeti bildirgenine köre, saat 18:00 keçirilecek kontsertte Aqyar icadiy taqımları, “Blestâşçiye” taqımı, yırcı Margarita Suhankina ve “Miraj” taqımı, “Diskoteka Avariya” taqımı çıqış yapacaq.
Keçken yıl Aqyarda Şeer kününde kontsert yapmaq içün Diana Gurtskaya, “Diskoteka avariya” ve “Lübe” kelgen edi. Rusiye künü Qırımda er yıl iyün 12-sinde qayd etile. Qırımda onı ilhaqtan soñ qutlap başladılar.
Çetel sanatçılar, Ukraina qapatqan kiriş-çıqış noqtalarından Qırımğa gastrolnen barıp, Ukraina qanunlarını boza. Qırımğa barğan ya da Qırimnıñ ilhaqına qol tutqan kimer artist ve yırcılarğa qıta Ukrainada çıqışta bulunmaq yasaq.
Ukraina Tış İşler nazirligi, çetel vatandaşlarnı ve vatandaşlıqsız şahıslarnı Qırımnıñ qanunsız ziyaretinden saqınmağa muracaat etti.