Aqyarda ava telükesi ilân etildi, dep bildirdi saat 13:25-te şeerniñ Rusiye yolbaşçısı Mihail Razvojayev içtimaiy ağlardaki saifelerinde.
Onıñ qoşqanına köre, Rusiye Federatsiyasınıñ Ava mudafaası Qara deñizde eki nişannı yoq etken. Bunıñ bir delilini köstermedi.
Rusiye monitoring Telegram kanalları şeer yaqınlarında bulunğan "Belbek" Rusiye arbiy uçaq alanına qarşı uçucısız ücümi aqqında yaza. Bu haberni alternativ menbalarda teşkermek şimdilik zor.
Ukrayina ve Rusiye arbiyleri vaziyetni resmiy şekilde şimdilik izaatlamadılar.
Yañı malümat: aman-aman bir buçuq saattan soñ Razvojayev Aqyarda ava telükesini ilân etti. Ücüm tafsilâtları şimdilik haber etilmey. Rusiye ve Ukrayina arbiyleri de vaziyetni şimdilik izaatlamaylar.
2022 senesinden başlap yarımadağa er kün ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.