İyünniñ 29-ı sabası itibarınen Aqyarda 117 yañı COVID-19 hastası qayd etildi, 34 yaşından 85 yaşına qadar üç insan vefat etti, dep yaza şeerniñ Rusiye ükümeti.
«Umumen Aqyarda 16 504 insan yañı koronavirus yuqunçına oğradı. 14 621 insan tüzeldi, 733 kişi vefat etti. 387 kişi közetile – bu insanlar hastalarnen alâqada oldı, amma COVID-19 diagnozı tasdıqlanmadı», – dep aytıla haberde.
Hatırlatamız, iyünniñ 28-nde 117 yañı koronavirus hastası ve vefat etken dört kişi aqqında haber etildi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.