Qara deñizde işğal etilgen Aqyar yalısında hafif bir zelzele qayd etildi. Bu aqta Ukrayina Devlet kâinat agentliginiñ mahsus nezaret merkezi haber ete.
Mütehassıslarnıñ malümatına köre, sarsıntı Armannıñ 17-de saat 01:22:16 oldı. Titreme magnitudası 3,4 oldı, bu ise zayıf (az körüngen) adisege işaret ete.
Rusiyeniñ TASS devlet haber agentligi de, Vernadskiy adına Qırım universiteti yanındaki Rusiye seysmologiya ve geodinamika institutınıñ direktorınıñ muavini Marina Bondarğa esaslanıp, bu malümatlarnı tasdıqlay.
"Zelzele qarada duyulmadı. Zelzele Qara deñizde, Aqyar şeerinden 50 km uzaqlığında oldı... Vaqianıñ energetik sınıfı 10,6, magnitudanı 3,4 oldı", — dep bildirdi Marina Bondar.
Yaznıñ başından berli Aqyar ve Qırım akvatoriyasında 20-ge yaqın zelzele qayd etildi.