Aqyarda martnıñ 23-nde aqşam keç saatlarda patlav neticesinde mesken ev divarları yıqıldı, yanğın çıqtı. Yerli Rusiye akimiyetiniñ malümatına köre, qurbanlar bar.
"Korçagin, 14 adresindeki mesken evde patlav oldı, patlav dalğasından №20 ev zarar kördi. Sebep ve tafsilâtları ögrenilecek", – dep yazdı Rusiye kontrolindeki Aqyar yolbaşçısı Mihail Razvojayev Telegram kanalında.
Onıñ malümatına köre, bir qadın elâk oldı, bir kişi ğayıp olğan sayıla, 12 Aqyarlı hastahanelerde buluna.
Yerli telegram kanalları eki evniñ sakinleri tahliye etildi, dep bildirdi.
Rusiye Tahqiqat komiteti cinaiy dava açıldı, dep bildirdi: "Aqyar şeerinde muqaytsızlıqtan sebep çoq qatlı evniñ yıqılması neticesinde ölümge yol açuv cinaiy davası açıldı (Rusiye Federatsiyası Ceza kodeksiniñ 109-ıncı maddesi)".
Qırım.Aqiqat vaziyet ketişatını taqip ete.