Rusiye işğal etken Aqyar civarında patlavlar eşitildi ve raketağa oşağan obyekt köründi. Bu aqta bazı Qırım saifeleri haber ete.
"Ateş" areketi Qırımnıñ farqlı rayonlarında atış aqqında bildirdi.
"Qırımnıñ farqlı rayonlarında atış aqqında haber etile… İşğalciler bağnı söndüre… Aqyardan yarımadanıñ içine raketağa oşağan bir obyekt uçtı", – dep yaza teşkilât.
"Krımskiy veter" telegram kanalı oquyıcılarnıñ malümatına esaslanıp, tafsilâtlar berdi:
"Felenk burnundan deñizge doğru raketa uçurıldı, dep haber ete abuneciler… 17:31-de "Belbek" uçaq alanında patlav oldı, dep haber ete abuneciler".
Aqyarnıñ Rusiye yolbaşçısı Mihail Razvojayev ava telükesi aqqında bildirmegen edi. "ÇP/Sevastopol" Telegram kanalı raketa ya da patlavlar aqqında bildirmedi.
Qırım.Aqiqat muarririyeti cenk vaziyetinde bu malümatnı mustaqil şekilde teşkerip olamay.