İşğal etilgen Aqyarda Rusiye akimiyeti bir kün içinde üçünci kere areketni qapattı. Kater ve paromlar yolcularnı Aqyar körfezinden vaqtınca taşımay. Bu aqta şeerniñ naqliyat departamenti bildirdi.
Şeerde areket ara-sıra yaramay ava ya da telükesizlik maqsadınen qapatıla.
Martnıñ 6-nda eki kere toqtatılğan edi, ekisinde de bir saattan az devam etti, soñra areket yañıdan başladı.
"Deñiz yolcu naqliyatı areketni vaqtınca toqtattı. Nahimov ve Zaharov meydanlarında areket qapatılğanı içün yoldan ketecek naqliyat teşkil etilecek", – dep aytıla haberde.
Deñiz naqliyatınıñ toqtav sebepleri aytılmay.
Bundan ğayrı, Keriç (Qırım) köprü qapatılğan edi, amma areket endi yañıdan başladı.