Dekabrniñ 26-na keçer gecesi işğal etilgen Aqyar civarındaki "Kaça" arbiy uçaq alanı rayonında eki küçlü patlav oldı. Bu aqta "Krımskiy veter" Telegram kanalı bildirdi.
Rusiye Federatsiyasınıñ Mudafaa nazirligi saba işğal etilgen Qırımda beş "uçaq çeşitli uçucısız uçuş cihazı" urıp tüşürildi, dep esabat berdi.
Ukrayina arbiyleri Qırımda Rusiye arbiy obyektlerine darbe endirgenine dair bir malümat şimdilik bermedi.
Qırım.Aqiqat muarririyeti cenk vaziyetinde bu malümatnı teşkerip olamay.
Qırımda 2022 senesiniñ yazından başlap patlav ve darbeler qayd etile. Olar Rusiyeniñ esas Ukrayinağa büyük istilâsınıñ neticesi oldı.