İyünniñ 12-ne keçлer gecesi S-300 ve S-400 Rusiye zenaat-raketa komplekslerine ücüm vaqtında 12 ATACMS raketsı qullandı, dep bildire ASTRA telgram kanalı yarımadanıñ Rusiye acele hızmetlerindeki menbalarına esaslanıp.
Berilgen malümatqa köre, 12 raketadan yedisi Rusiye ava mudafaası tarafından urıp tüşürildi.
"Aqyarnıñ "Belbek" ava limanı civarında zırhlı raketalardan qullanılğan S-400niñ eki uçuruv qurulışı ve radiolokatsiya stantsiyası bütünley yoq etildi. Fiolent burnu rayonında daa bir radar stantsiyası zarar kördi", — dep aytıla haberde.
Bu malümatnı başqa menbalardan tasdıqlamaq şimdilik imkânsız.
Keçken künü Ukrayina Silâlı quvetleriniñ Baş ştabı Aqyar civarında eki S-400 zenit-raketa kompleksi divizionına ve bir S-300 ZRK divizionına ücüm etilgenini bildirdi.
İyünniñ 12-nde Ukrayina Silâlı quvetleriniñ Baş ştabı, Aqyar civarında S-400 zenit-raketa kompleksleriniñ eki divizionına ve S-300 ZRK bir divizionına darbe endirilgenini bildirdi.
Bundan evel haber etilgenine köre, iyün 10-na keçken gecesi Ukrayina mudafaa quvetleri Canköy rayonında S-400 zenit-raketa kompleksiniñ divizionına ve Qara deñiz ve Kezlev civarında eki S-300-ge ücüm etti.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.