Aqyarnıñ Korabelnaya tarafından Apollon deresi, Apollon körfezi ve şeerniñ eñ qadimiy bölgelerinden bir olğan Apollonovka mikrorayonı bar. Onıñ soqaqları alâ daa kerçek hususiy sektornıñ beñzersiz özgünligini qorup saqlay, evler bir-birine sarıla, bazı aralıqlar bir metrden ziyade degil, yerli sakinler ise pek yahşı bir birini tanıylar.
Tarihçılar alâ daa Apollonovka adınıñ manası aqqında tartışalar, lâkin eñ aqiqatqan oşağan versiya böyledir. Köyniñ adı, XVIII asırnıñ 80-90-ncı yıllarında bu yerde yerleşken arbiy yedekler anbarlarına ve №5 artilleriya batareyasına komandanlıq yapqan polkovnik Apollon Galbergniñ adı ile bağlıdır.
Arbiy deñiz hastahaneniñ oftalmologiya bölüginiñ hastaları
Er kes Apollonovkanıñ qayda başlanğanını bile – Apollon körfeziniñ yalısında. Qayda bitkeni ile bağlı tartışmalar bar. Bu meselede yerli sakinleri bile adaşalar: bazıları olarnıñ mikrorayonı jemirölğace devam ete deyler, bazıları ise Nadejdintsev soqaqınace.
Men ise Lastova meydanından, zemaneviy tamirnen bozulğan 1930 seneleriniñ inşaatı yanından Arabat aralığına ketem. O menim Vagon kör qattısına alıp kete. Ögümde göspitel urbasında arbiyler kete ve qapalı yerniñ qapısına kire. Anda Arbiy deñiz hastahaneniñ oftalmologiya bölügi yerleşe.
Vagon kör hattısında
Vagon kör hattısınıñ uzunlığı tahminen 60 metr ve demiryol hattıniñ üstündeki tik bir capta bite. Ayaq altında bir buldozer ile tegizlengen qurucılıq çöplügi. Belki de bu yerde bir ev bar edi, şimdi ise mından Aqyar körfezinin muteşem manzarası bar. Kör hattı adını keçken asırnıñ başında bu yerde olğan saylap ayıruv qavuşağından aldı.
Vagon kör hattısından Aqyar körfeziniñ manzarası
Vagon kör hattısından Arabat aralığına qaytam ve Rozu Lüksemburg soqağı tarafına ketem. Bu yerdeki aralıq – tik bir şekilde aşğı ketken topraq yoludır. Mında pek tınç ve sessiz. Yerli sakinler atta yolqapısına qapatmaylar.
Rozı Lüksemburg soqağında sessizlik
Apollon körfezine barmaq içün başta demiryol üymesiniñ altındaki 35 metrlik tunnelden keçmek kerek ve soñra Lazarev suv kemerine. Suv kemeri tereklernen örtülgen. Unikalmedeniy asabalıqnıñ saqlap qalmasınen iç kimse oğraşmay.
Suv kemeri tereklernen örtülgen
Ёл искелеге барып чыкъа. Бу, асылында Аполлоновканынъ "меркезий мейданы"дыр – микрорайонда башкъа бойле балабан ве тегиз ер ёкъ. Йылнынъ эр бир мевсиминде мында балыкъчыларны корьмек мумкюн.
İskele – Appolonovkanıñ «merkeziy meydanı»
Yazda iskele daa plâjdır. Yerli ballar yuvunıp toyğan soñ, issi betonnıñ üstünde oturıp, laf eteler.
Yerli ballar
Yalı yanında yerleşken bir qaç evge tek köpürçikten keçmek mümkün. Başqa bir yaqınlaşuv yolu yoq. 10-12 yaşındaki oğlanlar suvğa sekireler.
İskeledeki evlerge tek köpürçikten keçmek mümkün
İskeleden qaytam. Evler arasında sol taraftan Priçalnaya soqağı. Tamirden soñ qalğan çöplükaralıqta yata.
Priçalnaya soqağında
Priçalnaya soqağından çette Plâjnaya soqağı. Yolaçıq sıfatında o cap üzerinden kete. Merdivenden deñizge eñmek mümkün.
Plâjnaya soqağı
Plâjnaya soqağı demiryolğa kete. Bu Troitsk ve Gorodsköy tunneller arasındaki yer.
Demiryolda
Demiryol üymesinden Apollonovkanıñ güzel manzarası.
Demiryol üymesi Appolonovka manzarası
Demiryolnıñ diger taarfında Çesmenskaya soqağı. Soqaqta yüzüm pişe, çoqtam berli boyalanmağan poçta qutuları.
Çesmenskaya soqağı
Daşa Sevastopolskaya adına şeer hastahanesi boyu ketken demiryol soqağında pek eski evler bar. Olarnıñ yerine yañı evlerni qaralar. Amma bazı eski evler daa sökülmegen.
Saqlanıp qalğan yıqtırmalardan biri
Bu evniñ yaşı 100 yıl. Qart saibesini eki köpek qarşılay.
Eski evniñ saibesi ve onıñ köpekleri
Adsız tarlıq ve Demiryol aralıqları arasındaki evniñ kireç sıvası endi artıq yoq.
Aralıq
Demiryol soqağınıñ başındaki evler ot içinde qaldı. Anda keçit yoq. Bu azbarlarğa tek demiryol tarafından keçit bar.
Demiryol soqağı
Yevgen Juk, Aqyarlı bloger (müellifniñ adı ve soyadı telükesizlik maqsadınen deñiştirildi)
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün