Aqyarda saba saat 9-da ava telükesi ilân etildi, dep haber ete Qırım.Aqiqat mühbiri. Moskva tayin etken Aqyar valisi Mihail Razvojayevniñ Telegram kanalında yazğanına köre, şeerde "arbiyler Ukrayina Silâlı quvetleriniñ ücümini keri qaytara, ava mudafaası çalışa".
Yerli saifeler Aqyarda ava telükesi aqqında da bildirdi.
Aynı vaqıtta, "Krımskiy veter" Telegram kanalı abunecileriniñ malümatına esaslanıp, "Aqyarda ava telükesi ilân etilmezden 5 daqqa evel Felenk (Fiolent) burnu civarında eki küçlü patlav oldı". Muarririyet bu malümatnı teşkere.
"Transport Sevastopolâ" Telegram kanalı Aqyarda deñiz yolcu naqliyatınıñ areketi toqtatılğanını ava telükesi ilân etilmezden evel bildirdi.
Qırım.Aqiqat mühbiri şeerniñ çeşit rayonlarında atış sesleri aqqında haber ete.
Yañı malümat: yerli saatnen 10:25-te Razvojayev Aqyarda ava telükesi bitti, dep ilân etti. "Transport Sevastopolâ" Telegram kanalı cemaat naqliyatınıñ areketi yañıdan başladı, dep bildirdi. Ücüm tafsilâtları aytılmay. Rusiye ve Ukrayina arbiyleri vaziyetni şimdilik izaatlamadılar.
2022 senesinden başlap yarımadağa er kün ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.