Kreml kontrolindeki Aqmescitniñ Kiyev rayon mahkemesiniñ binası ögünde Rusiye uquq qoruyıcıları tarafından Qırım ve Herson vilâyeti arasındaki memuriy sıñırnı keçkende tutulğan qırımtatar faali Edem Bekirovğa qoltutmaq içün insanlar toplaşa.
Daa evel haber etilgeni kibi, bugün mahkeme Bekirovnıñ cezasını belgileycek.
Herson vilâyetindeki Novoalekseyevka qasabasınıñ sakini Edem Bekirov dekabrniñ 12-nde saba Qırım kirişinde Rusiye uquq qoruyıcıları tarafından tutuldı. O, 78 anasını ve aqrabalarını ziyaret etmek içün Qırımğa ketti. Daa soñra onı Aqmescitteki Rusiye FSB binasına alıp ketkenler. Tutulmasınıñ resmiy sebepleri belli degil.
Qırımtatar Milliy Meclisiniñ azası Gayana Yükselniñ aytqanına köre, Bekirov Rusiye Ceza kodeksiniñ 222-nci maddesiniñ 2-nci qısmı («Silâ, onıñ esas parçalarını qanunsız satın aluv, berüv, satuv, saqlav, taşıma») boyunca qabaatlaylar.