Aqmescitte Lada maşnasınıñ aydavcısı, yolnı üçfenersiz cayav keçitinden keçken mektep talebesini urdı.
Rusiye İçki İşler Nazirliginiñ ilhaq etilgen Qırımda idaresi, qaza oktâbr 18-inde 60-let Oktâbrâ soqağında olğnını bildire.
"Yol qazası neticesinde mektep talebesi yaralandı. "Oñ bölgeniñ gematoması, sol butnıñ ezigi" ilk diagnozınen balanı hastahanege alıp kettiler. Qaza yerine Devlet avtomobil teftişi (DAT) taqımı ketti", - denile beyanatta.
Rusiye polisi, qaza neticesinde "teşkerüv keçirilgenini, ve onıñ neticesinde bir usul qararı berilecegini" bildirdi.
Qurtarıcılar Qırımda ciddiy yol qazalarınıñ sayısı arttı, dep bildirgen edi. Qırımda 2019 senesiniñ ilk üç ayında keçken senege baqqanda bir buçuq qat ziyade aydavcı mesüliyetke çekildi.