Aqmescitte küçlü yağmur sebebinden bazı yerlerde yarıq söndi. Bu aqta "Krımenergo" müessise bildire.
Müessisege köre, Severnaya - Vostoçnaya VL 110 kV hatınıñ teli üzüldi.
"Energetikler olduqça tez qaza aqibetlerini tüzetmege tırışa", - denile beyanatta.
Yekâne şeer nevbetçi-dispetçer hızmetinde, 98,2 biñ qullanıcı elektrik teminatsız qalğanını bildirdiler. Ekseriyeti - Aqmescitniñ Kiyevskiy ve Jeleznodorojnıy rayonınıñ sakinleri.
Aqmescitte furtuna ihtarı ilân etildi. Yaqın eki-üç saatta ve iyün 24-üniñ soñuna qadar Qırımda küçlü yağmur, iri burçaq, furtuna ve küçlü yel beklenile.