Keçmişke bir nazar: 2004 senesi Aqmescitte ilk «Maydan» (süret toplamı)

Viktor Yanukoviç tarafdarları, Aqmescitte Lenin meydanına çadır şeerini qurmaq içün kerekli şeylerni ketirdi. O vaqıttaki akimiyet, Qırım baş naziri Sergey Kunitsin sıfatında, buña qol tuttı.

Yaramay gizlengen arbiy nomerlernen yük maşnaları, olarnıñ içindi ordu aletleri.

Faaller urbanen çuvallarnıñ ve azıq mallarınen qutularnı maşnadan çıqara.

Çuvalğa iliştirilgen yazı. İçinde çadır olğanı belgilengen, yapuv yılı - 1965.

Milliy Meclis reisiniñ o vaqıttaki muavini Remzi İlyasov (sol tarafta) Ukraina İçki İşler Nazirliginiñ Qırımda Baş idaresiniñ başlıq muavini Valeriy Seredenkonen muzakere ete.

Ukraina Merkeziy saylav Komiteti ğalip ilân etken Yanukoviçniñ tarafdarları, Lenin meydanında birinci çadırnı endi yerleştirdi.

Rusiye bayrağınen faalci Lenin meydanında.

Yanukoviç tarafdarlarından bir qaç adımda Ukraina prezindentligine muhalefet namzetine qol tutqan insanlar yerleşti.

Ukraina tarafdarları, Yuşçenkonıñ saylav kampaniyasınıñ timsalâtınen portaqal tüslü bayraqlarnı, ve ukran ve qırımtatar bayraqlarnı tuta.

Piketçilerden birisi "Rusiye spetsnazı, yoq ol!!!" yazısını tuta.

Yuşçenko tarafdarları, Lenin eykeli yanında yer aldı.

Toplanğanlarnıñ ögünde Yuşçenkonıñ Qırım ştabı başı Valeriy Probey-Golova çıqışta buluna.

Akimiyet namzetiniñ tarafdarları, Ukrain muzıkalı teatrniñ binasına "Mı za Yanukoviça" ("Biz Yanukoviç içün") yazısını asmağa tırışa, amma şiddetli yel olarğa keder etti.