Aqmescitte FSB tarafından zapt etilgen Ukraina deñizcilerini mahküm eteler (video)

Rusiye uquq qoruyıcıları Rusiye kontrolindeki Aqmescitniñ Kiyev rayon mahkemesiniñ binası ögünde telükesizlik tedbirlerini quvetleştire. Mında FSB tutqan Ukraina askerleriniñ cezası belgilecektir. Qırım.Aqiqat mühbiriniñ bildirgenine köre, mahkeme binasına politsiya maşinaları, mahkeme vekilleri ve Rusiye OMON hadimleri keldi. Haber etilgeni kibi, qırımlılar Aqmescitniñ Kiyev rayon mahkemesiniñ binası ögünde toplaşa. Olar FSB esir alğan Ukraina deñizcilerine qoltutmağa keldi. Salı künü saba Belli oldı ki, Ukraina askerlerini sekiz qırımlı advokat qorçalaycaq.