Aqmescitte iyünniñ 7-nde küçlü boranlı yağmur yağdı.
Qırım.Aqiqat mühbiriniñ bildirgenine köre, Aqmescitteki ava saba bozuldı. Kökni bulutlar qapladı, furtuna yeli köterildi, afat başladı.
Küçlü sağanaq aqımları neticesinde şeer soqaqlarında tıqanıqlıqlar peyda oldı.
Azbar ve duraqlarda insanlar burçaqtan qorqıp, maşinalarını örtülernen ve yorğanlarnen qapata edi.
Your browser doesn’t support HTML5
Aqmescitteki sağanaq (video)
İyünniñ 7-nde Aqyarda küçlü yağmur yağdı. Şeerniñ çeşit rayonları ve soqaqlarını, şu cümleden Kazaçya buhta ve Aqyar avtovokzalını suv bastı. Aqyarnıñ şeer hızmetleri ve qurtarıcıları sağanaq aqibetlerinden sebep quvetleştirilgen rejimde çalışa.