Çarşenbe künü, iyül 3-ünde Aqmescitte bir qaç soqaq yarıqsız qalacaq.
Bu aqta "Krımenergo" müessiseniñ matbuat hızmeti bildirmekte.
Bildirüvge köre, elektrik teminatnıñ toqtatılması, Aqmescitte 51-y Armii soqağında tayanğıçlarnıñ deñiştirmesinen bağlı.
"İyülniñ 3-ünde elektrik teminat böyle adresler boyunca olmaycaq: Genova soq., 38-48 (çift), 21-33 (tek); Moskaleva soq., 49; Provodnikov aral., 22-60 (çift), 33-61 (tek); 51 Armii soq., 2-18 (çift), 3-11 (tek); Griboyedova soq., 56-66 (çift), 31-35a; Pobedı cad., 39-51; Skripniçenko soq., 16-28 (çift), 3-11 (tek)", – denile beyanatta.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Martnıñ 18-inde Rusiye prezidenti Vladimir Putin Aqyarğa keldi, anda ise Balıqlava TES-iniñ açılışında iştirak etti