Rusiyeden Qırımğa taygan suv anbarını Aqmescit suv teminatı sistemasınen birleştirecek suv boruları keldi. Bunı Facebookta Qırımnıñ rusiyeli başı Sergey Aksönov bildirdi.
O kene de qayd etti ki, bu yıl Aqmescitte "ava şaraiti sebebinden suv qıtlığı bar".
"Bu işniñ neticesinde Aqmescit suv anbarına 50 biñ kub metr qadar suvnı keçirmege mümkün olacaq, böyle kölem ise, şeerniñ içüv suv ihtiyacını bütünley yerine ketirecek", - dedi Aksönov.
Suv keçirilmesi içün qullanılacaq borular
İyül 8-inde, Aqmescit suv anbarında kelecek 110 künge suv yedegi qalğanını bildirdiler.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.