Yanvarniñ 2-nde Aqmescit ve Aqmescit rayonında patlavlar yüz bergen. Yerli telegram kanallarınıñ malümatına köre, Aqmescit üzerinde bir qaç patlav sesi eşitilgen.
"Çp Krım" telegram kanalı "Aqmecit rayonında nasıldır paltav sesleri artıq beş kere" eşitildi, dep yaza. Bundan ğayrı suv anbarı, ava limanı civarında ve Sarabuz qasabasında ava mudafaası sistemesı çalışqanı aqqında haber etile.
Sarabuz qasabasında ava mudafaası çalışqanı aqqında "VKontakte" içtimaiy ağında da haber etile.
Yanvarniñ 2-nde aqşam saatlarında Aqyarda, şeerniñ merkeziy qısmında kökte raketanıñ uçurtılmasına beñzegen ses eşilgen, soñra ava mudafaası sistemasınıñ işine beñzegen küçlü patlav olğan.
Aqyarnıñ işğal valisi Mihail Razvojayev telegram kanalında "şeerde ava mudafaası sisteması çalışa", dep yazdı. Onıñ bildirgenine köre, deñiz üzerinde pilotsız uçqan cihaz urıp tüşürilgen.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.