Rusiyeli Qırım ükümetiniñ başı Yuriy Gotsanük, qırımlılar sıñırlayıcı tedbirlerni bozğanı aqqında haber ete. Onıñ aytqanına köre, Aqmescitte sakinler Gagarin parkında kezine, Saq ve Kezlevde - deñiz kenarına baralar.
"Saq rayonında Novofördrovka köyünden ğayrı, qalğan yerde izolâtsiya rejimini küteler. Böylece, Novofödrovkada adamlar yalı kenarına keçitni qapatqan beton bloklarından sekirip keçe ve yalığa bara... Saq ve Kezlev yalılarında da çoq adam qayd etildi. Aqmescit rayonınıñ bazı köylerinde de soqaqlarda çoq adam bar. Mıtlaqa ilâchanelerniñ yanında. Ve adamlar içtimaiy mesafeni kütmeyler", - dey o.
Your browser doesn’t support HTML5
Донбасс, Италия и Керченский мост | StopFake News (видео)
Aprelniñ 5-nde saba işğal edilgen Qırımda 2974 insan tibbiy közetüv altında, 2886-sı dinamik közetüvde qala. 66 insan hastahanede, 22 insan observatorda buluna. Qırımda 20 koronavirus yuqunçı hastası qayd etildi, 6 tüzelgen hasta hastahaneden çıkarıldı. Aqyarda 5 kişi koronavirusqa oğradı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.