Salı künü, oktâbrniñ 16-nda, Aqmescit ve onıñ civarlarında küçlü bir güdürdi oldı. Şaatlarnıñ aytqanına köre, patlavğa oşağan bir ses şeerniñ çeşit köşelerinde eşitildi. Bu aqta Qırım.Aqiqat mühbiri bildire.
Ses o qadar küçlü edi ki, bir çoq maşinanıñ signalizatsiyası çalışmağa başladı.
Patlavdan soñ reaktiv uçaq, tahminlerge köre arbiy qırıcı uçıp keçti. Artından beyaz iz qala edi, eki daqqadan ğayıp oldı.
Qırımnıñ kütleviy haber vastaları bu aqta bir şey bildirmey.
Aqmescitte bunıñ kibi sesler endi qayd etilgen edi. Qırım astrofizik observatoriyasınıñ bildirgenine köre, o sefer sesniñ sebebi uçaq oldı. Akimiyet ise davuşnıñ sebebi ne olğanını öyle de aydınlatmağan edi.