Avgust 5-inde saba bir kün evel Aqyarda batqan sportçularnıñ cesedlerini taptılar. Bu aqta Rusiye FVN-niñ Aqyar bölügi bildirmekte.
"Saat 09:45-tek birinci cesedni suvdan çıqardılar, 10:45-te ekinci elâk olğan qıznın ölüsini çıqardılar", - denile müessise beyanatında.
Daa evel, avgust 4-ünde Aqyarda furtunalı deñizde yuvunğanda kikboksingnen oğraşqan eki sportçu batqanı belli oldı. Qurtarıcılarnıñ malümatına köre, batqanlar - 1986 yılı doğma Moskova sakini ve 1992 yılı doğma Murmansk sakini. Birincisi - kikboksing dünya çempionı, ekincisi - vitse çempion. Qaza, "Yug" yahta klubunıñ suvlarında oldı.
Шторм в районе мыса Фиолент (фотогалерея)