Aqmescitte Rusiye uquq qoruyıcıları yerli sakinni içtimaiy ağlarda ekstremizmge çağırğanında qabaatlap tuttı. Bu aqta Rusiye ve Qırım kütleviy haber vastaları Rusiye FSBsiniñ matbuat hızmetine esaslanıp bildire.
«23 yaşında qırımlı «VKontakte» içtimaiy ağında saife açıp, tahallüs qullandı ve qullanıcılarğa açıq metinni derc etti, anda, ekspertlerniñ hulâsasına köre, aslı ve milletine köre ayrılğan şahıslar gruppasına qarşı zorbalıq areketlerine çağıruv bar», – dep bildire Rusiye FSBsiniñ haberini «Krıminform» neşiri.
Tutulğannıñ adı ve soyadı aydınlatılmay, onıñ izaatları yoq. Qabaatı isbatlansa, Rusiye Ceza kodeksiniñ 280-inci maddesiniñ 2-nci qısmına (ekstremist faaliyetine açıq çağıruv) istinaden beş yıl apis cezası berile bile.
Qırım ve Aqyarda Rusiye uquq qoruyıcıları yerli sakinlerni içtimaiy ağlarda paylaşqanları sebebinden ekstremizm ve zorbalıq areketlerine çağırğanında qabaatlap tuta.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.