Orta küz ayınıñ 17-ne keçken gecesi işğal etilgen Qırımda Aqmescit rayonınıñ Sarabuz qasabasındaki obyektlerge uçucısız uçaqlar ücüm etti.
Atış ve patlavlar saat 2:40 başlandı. Ücümden soñ qasabada yerleşken neft bazasında yanğın çıqtı. Bu aqta "Krımskiy vetr" telegram kanalı bildire.
Saba Aqmescit ve Aqmescit rayonında saat 6:23 eki patlav eşitildi, beş daqqa soñra, 6:28 daa eki patlav oldı, dep bildire Telegram kanalınıñ abunecileri.
Saba Aqmescitten ve Aqmescitniñ qomşu Qarasuvbazar rayonından onlarnen kilometr uzaqlıqta yanğan neft bazası üzerinde tütün bulutı körüne edi
Aqmescitten Sarabuz qasabasına pek çoq "acele yardım" maşnası keldi.
Rusiye akimiyetinden Sarabuz qasabasındaki neft bazasına ücüm aqqında resmiy malümat yoq.
Sarabuz qasabasında Rusiye arbiy uçaq alanı yerleşe. Bu yerde "Şahed" darbeleri içün meydançıq yaratılğan, olarnen Rusiye ordusı muntazam sürette esas Ukrayinada şeerlerge ücüm ete.