Aqmescitteki medeniyet universiteti yanında, Aqyar, Gaspra ve Foros soqaqları, plâj ve parklarında sarı şeritler ve Ukrayina stikerleri peyda oldı, dep bildirdi noyabrniñ 14-nde «Sarı şerit» areketiniñ faalleri Telegram kanalında fotoresim derc etip.
«Qırımnıñ çeşit şeerlerinde bir sıra yañı şerit ve stiker peyda oldı. Ukrayinlerni quvandıra ve işğalcilerni açuvlandıra: Aqmescitteki medeniyet universiteti ögünde, Aqyar, Gaspra, Foros soqaqları, plâj ve parklarında. «Sarı şerit» areket faalleriniñ büyük işi sayesinde yañı insanlar ket-kete daa çoq ola, tirenüv ise daa büyük ola», – dep haber ete faaller.
Keçken afta areket faalleri Qırımda 100-den çoq Ukrayina risalesini tarqattı, dep bildirdi.
«Sarı şerit» teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Semey, Balıqlava kibi kiçik şeerlerniñ sakinleri qoşula.
Areketniñ eñ belli aktsiyalarından biri - sarı şeritlerniñ asılması ve yarımadada «Qırım Ukrayinadır» yazısı ile plakatlarnıñ yapıştırılmasıdır. Yaqında faaller Boyko dağında Ukrayina bayrağını köterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.