Aqmescit 237 yaşında: şeerniñ ziyaret varaqaları (fotoresimler)
Saatlı qulle. Qırım paytahtınıñ tren vokzalı ve eñ meşur elementi – saatlı qulle – 1951 senesi quruldı
Qırmızı yıldızlı qulleniñ yüksekligi 42 metr, raqamlarnı ise zodiak şekilleri yaraştıra
Aqmescitteki eski Kebir Cami. 1502 senesi Mengli Geray zamanında quruldı
Gagarin parkı – Aqmescitniñ eñ populâr raatlıq yerlerinden biri
Park tıynağı Gagarin parkınıñ merkeziy obyekti sayıla
Lenin abidesi. Tunç eykel şeer merkezindeki meydanda tura. Abide 1967 senesi – 1917 senesiniñ bölşevist devriminiñ 50 yılı munasebetinen açıldı
Aleksandr-Nevskiy kilsesi. 2000-lerniñ ortalarında ğayrıdan tiklenip başlandı, çünki 1930 senesi kommunist akimiyeti tarafından yıqılğan edi
Kilse Aqmescitniñ merkeziy soqaqlarından biri olğan Jukovskiy soqağında yerleşe
Aleksandr-Nevskiy kilsesiniñ yaqınlarında Dolgorukovnıñ tikili taşı bar. Abide 1842 senesi sentâbr ayında knâz Vasiliy Dolgorukov eşqına tiklenildi. 1771 senesi olar türk ordusını yeñip, Qırımnı aldılar
Gorkiy adına Qırım akademik rus dramatik teatri. Teatr 1821 senesi quruldı. O, Qırımnıñ eñ eski professional teatr sanası ola
Bir çoq insan Aqmescitniñ esas tarihiy yeri «Neapol Skifskiy» qoruq müzeyi ola, dep tüşüne
Soñki yıllarda qaleniñ qaravul qullesi yanında ocaqlı tüz köşeli yunan evi ğayrıdan tiklendi
Petrov qayaları – Aqmescitniñ cenübiy qısmındaki Salğırnıñ sol yalısında yüksek olmağan platonıñ taşlı uçurım kenarı
Şeerlilerniñ ayaqmaşina ve cayav kezintileriniñ yeri, em de mesken yerleri, infrastruktura obyektleri ve şeerniñ müim yerleriniñ manzarası açılğan meydan