Rusiye tahqiqatçıları Qırımlı Qaray Saha Mangubige psihiatrik hastahanege mecburiy yatqızuv ile statsionar psihiatrik ekspertizanı tayin etti. O, anda üç aftadan bir buçuq ayğa qadar qalacaq, dep haber ete "Tribunal. Kerımskiy epizod" telegram kanalınıñ aq qoruyıcıları.
"Bundan ğayrı, psihiatrik hastahanege yatqızuv içün, Saha Mangubiniñ sıñırlav tedbiriniñ uzatılması ile bağlı keçirilgen mahkeme oturışuvında iştirak etmedi. Bu, Rusiye qanunlarına bile zıt kele, işğal etilgen topraqlarnıñ sakinlerine adiy mahkeme esnaslarına irişimni talap etken halqara qaidelerge bile zıt kele", — dep yaza uquq qoruyıcılar.
"Tribunal. Kerımskiy epizod" telegram kanalı Mangubini "ilk Qaray siyasiy mabüsi" dep adlandırıla.
Saha Mangubini 2024 senesi orta küz ayında evinden hırsızladı ve bir yıldan ziyade Aqmescitniñ 2-nci SİZO-sında qabaatlavsız, tam izolâtsiyada tuttılar. Polis hırsızlav davasını açmaqnı red etti, FSB ise onı apiske alğanlarını red etti.
Qırım.Aqiqat bildirgeni kibi, 2026 senesi kiçik aynıñ 2-nde Rusiye kontrolindeki Aqmescit Kiyev rayon mahkemesi Saha Mangubini "devlet hainligi" ile apiske aldı. Apiske alınğan qadınnıñ eki balası qaldı. Tutulğanınıñ tafsilâtlı sebepleri şimdilik belli degil. Rusiye quvetçileri vaziyetni izaatlamay. Mangubiniñ mevamı şimdilik belli degil.