Aqmescitteki Rusiye kontrolindeki Kiyev rayon mahkemesi Bağçasaraylı "Qırım birdemliginiñ" altı qırımtatar faalini apiste qaldırdı. Bu aqta "Qırım birdemligi"ne advokat Emil Kurbedinov bildirdi.
Seydamet Mustafayev, Eldar Yakubov, Abdülmecit Seytumerov, Ruslan Asanov, Amethan Ümerov ve Remzi Nimetulayev 2024 senesi noyabrniñ 24-ne qadar SİZO-da qalacaq.
Advokatnıñ aytqanına köre, imayesi, "işni ğayrıdan baqmaqnı talap etti, çünki umumiy üküm çıqarmaq imkânsız edi".
"Bu dava iç bir tenqitke dayanmay, ve biz öz mevamımıznı tafsilâtlıca tasdıqladıq", — dep qayd etti Kurbedinov.
Mahkeme imaye tarafınıñ qabaatlav tedbirleri aqqında delillerini köz ögüne almadı ve olarnı prokurornıñ muracaatınen apiste qaldırdı.
"Qırım platforması" sammitiniñ ertesi künü, avgust 24-te, Rusiye quvetçileri altı qırımtatarnı tuttı. O künü saba Bağçasarayda ve Bağçasaray rayonında Remzi Nimetulayev, Ruslan Asanov, Seydamet Mustafayev, Amethan Ümerov, Eldar Yakubov ve Abdülmecit Seytumerovnıñ evlerinde tintüvler keçirildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.